2. rusiya federaiyasının 2-ci ən böyük şəhəri, 2-ci ən əsas iqtisadi və mədəniyyət mərkəzi. köhnə çar rusiyasının və rusiya imperiyasının paytaxtı. ssri dövründə adı leninqrad olmuşdur. 60 dərəcə şimal enliyindən yuxarıdakı ən böyük şəhər. qeyri-rəsmi olaraq adı peterburq kimi işlədilir. çar pyotrun rusiyanı sənayeləşdirmək və qərb dövlətlərinin inkişaf səviyyəsinə çatdırmaq istəyinin nəticəsi olaraq qurulmuş, pyotrun rusiyasının inkişaf simvolu sayılmışdır. şəhər bataqlıq üzərinə qurulmuşdur, qurulmasında pyotr şəxsən fəhlə kimi çalışmışdır. peterburqda qərbi avropa memarlıq nümunələrinin çox olmasının səbəbi, pyotrun avropada yaşadığı müddətdə burda gördüyü binalara bənzər binalar tikdirmək istəməsi idi. buna görə o avropadan bir çox memar dəvət etdirmişdi. bu səbəbdən peterburqun memari quruluşu digər rus şəhərlərindən fərqlidir.